Britania dhe Kina nënshkruan marrëveshje të reja tregtare që kapin shifrën e 2 presje 2 miliard dollarëve sot pas bisedimeve për një gamë të gjerë çështjesh përfshi të drejtat e njeriut.
Njoftimi u bë sot pas një takimi në Londër mes kryeministrit kinez Uen Xhiabao dhe homologut të tij britanik David Cameron.
Kryeministri kinez i cili po i jep fund vizitës së tij tre ditore në Britani tha se Kina dhe Britania duhet të respektojnë çështjen e të drejtave të njeriut të secilit vend dhe jo të përfshihen në kritika për njeri-tjetrin.
Zoti Kameron, i cili ngriti çështjen e të drejtave të njeriut gjatë takimit, tha në një konferencë të përbashkët shtypi pas tij se Britania nuk ka monopolin e zgjuarsisë.
Qeveria britanike e ka bërë të qartë se kërkon të shtojë tregëtinë bilaterale me Kinën në 100 miliard dollarë në vit deri në 2015-ën.
Dje zoi Xhiabao vizitoi uzinën e prodhimit të makinave MG me pronar kinez, në qytetin e Birmingamit, ku ai zbuloi modelin e ri pas 15 vjetësh të makinës MG. Gjatë vizitës, një numër protestuesish demonstruan me kërkesën për t’i dhënë lirinë Tibetit nën sundimin e Kinës.