Kongresi amerikan ka dhënë miratimin përfundimtar për një plan të shpenzimeve për qeverinë deri në shtator dhe ka shmangur mbylljen e mundshme që mund të ndodhte javën e ardhshme.
Dhoma e Përfaqësuesve votoi me shumicë dërrmuese për një plan për financimin e agjencive qeveritare, por ka përfshirë shkurtimet automatike me vlerë 85 miliardë dollarë që kanë hyrë në fuqi në fillim të këtij muaji.
Kjo masë mbi buxhetin i jep ushtrisë dhe disa agjencive të brendshme më shumë fleksibilitet në mënyrën se si ata do të zbatojnë shkurtimet automatike.
Autorizimi për shpenzimet e qeverisë amerikane ishte në plan të skadonte të mërkuren e ardhshme. Pa miratimin e një ligji mbi shpenzimet, shumë funksione të qeverisë mund të ndërpriteshin. Senati tashmë e ka miratuar planin dhe tani ai do t’i shkojë për nënshkrim presidentit Barack Obama.
Dhoma e Përfaqësuesve votoi me shumicë dërrmuese, Senati e ka miratuar tashmë planin dhe tani ai do t’i shkojë për nënshkrim presidentit Obama