Lidhje

Çmimet Nobel në Mjekësi, nderohen tre shkencëtarë

  • Zëri Amerikës

Çmimet Nobel në Mjekësi, nderohen tre shkencëtarë

Çmimet Nobel në Mjekësi, nderohen tre shkencëtarë

Çmimi Nobel në mjekësi për vitin 2011 iu dha tre shkencëtarëve për punën e tyre për zbërthimin më të mirë të sistemit imunitar, por çështja e dhënies së çmimit u ndërlikua sot prej lajmit se një nga fituesit vdiq para tre ditësh.

Çmimi, i njoftuar sot në Stokholm, iu dha Brus Bojtlër nga Shtetet e Bashkuara, Jules Hoffman nga Luksemburgu dhe Ralf Steinman nga Kanadaja. Shkencëtarët vlerësohen për punën e tyre që mund të çojë në kurimin e kancerit dhe sëmundjeve të tjera.

Por pasi fituesit e çmimit u shpallën, Komiteti i Çmimit Nobel, i cili nuk jep çmime pas vdekjes, mësoi se zoti Steinman kishte vdekur të premten për shkak të kancerit në pankreas.

Është e paqartë se si ky komitet do t’a zgjidhë këtë “situatë unike” siç e quajtën ata, ndërkohë që ishte planifikuar që zoti Bojtlër dhe Hoffman do të ndanin gjysmën e çmimit prej 1 presje 5 milion dollarësh kurse Steinman do të merrte gjysmën tjetër.

XS
SM
MD
LG