Lidhje

Dalai Lama heq dorë nga roli politik

  • Zëri Amerikës

Dalai Lama heq dorë nga roli politik

Dalai Lama heq dorë nga roli politik

Dalai Lama thotë se do të heqë dorë nga roli politik dhe do t’ia kalojë këto përgjegjësi udhëheqësit të zgjedhur të qeverisë tibetiane në mërgim. Ai e bëri këtë njoftim sot gjatë një fjalimi që mbajti në Dharmsala të Indisë me rastin e përvjetorit të kryengritjes tibetiane të vitit 1959 kundër sundimit kinez.

Laureati i çmimit Nobel do të vazhdojë të luajë rolin e udhëheqësit shpirtëror të popullit tibetian.

Në Pekin, Ministria e Jashtme e Kinës nuk e përfilli njoftimin e Dalai Lamas, duke e quajtur atë si "një manovër për të mashtruar komunitetin ndërkombëtar". Zëdhënësja Jiang Yu dënoi gjithashtu parlamentin në mërgim si një organizatë e paligjshme politike.

Tibetianët në mërgim do të zgjedhin gjithashtu këtë muaj kryeministrin e ri, mes 3 kandidatëve laikë. Por kryeministri i tanishëm, Samdhong Rinpoche, tha se largimi i Dalai Lamas përbën një sfidë dhe se tranzicioni do të jetë "një proces i gjatë dhe i vështirë".

XS
SM
MD
LG