Në Kosovë, Gjykata Kushtetuese refuzoi kërkesën e 21 deputetëve të Kosovës që kërkuan interpretim të Kushtetutës lidhur me vendet e rezervuara për pakicat kombëtare në Parlament. Çështja e vendeve të rezervuara është pjesë e debateve për organizimin e zgjedhjeve parlamentare që duhet të mbahen brenda këtij viti. Ndërkohë, partitë opozitare thanë se po shqyrtojnë një nismë të mundshme për të hedhur në Parlament një mocion mosbesimi për qeverinë e Kosovës.
