Në Kosovë po vazhdojnë debatet rreth qeverisë që do të dalë nga zgjedhjet parlamentare të së dielës. Partia Demokratike, që doli e para në zgjedhje, ngul këmbë se vetëm ajo mund të formojë qeverinë, përndryshe vendi duhet të shkojë në zgjedhje të jashtëzakonshme. Ndërsa tri partitë opozitare Lidhja Demokratike, Aleanca për Ardhmërinë e Kosovës dhe Nisma për Kosovën, nënshkruan të martën një marrëveshje për formimin e një koalicioni qeverisës.