Sot mbushen 25 vjet nga kriza e ambasadave, që e tronditi më tej regjimin e lëkundur komunist në Shqipëri. Më 2 korrik 1990, mijëra njerëz hynë në ambasadat e huaja në Tiranë dhe qëndruan atje me ditë të tëra, duke e diskredituar regjimin e Tiranës dhe sundimin e tij 50 vjeçar. Ilir Demalia, njëri nga ata që hynë në ambasada dhe që më vonë u bë mjaft i zëshëm në kritikat për regjimin, kujton ato ditë dhe ndikimin e tyre në një bisedë të drejtpërdrejt për Zërin e Amerikës.