Analisti dhe gazetari Lutfi Dervishi thotë se kontrolli i tabulateve telefonike të gazetarëve i kërkuar nga komisioni parlamentar i krijuar për të hetuar ngjarjet e 21 janarit, nuk është i justifikuar. Komisioni ndër të tjera ka kërkuar edhe tabulatet e telefonave për 4 gazetarë. Ata janë Sokol Balla, gazetar i televizonit Top Chanel, Mero Baze, kryredaktor i gazetes “Tema”, Andi Bushati, gazetar në Televizionin “Vizion Plus” dhe Filip Çakulli nga televizioni “Top Chanel”. Në një intervistë nga Tirana, zoti Dervishi tha se gazetarët e kanë bërë punën e tyre dhe madje komisioni po heton pikërisht mbi bazën e asaj që kanë raportuar gazetarët drejtpërdrejt nga vendi i ngjarjes.