Në Shqipëri kanë dështuar edhe sot përpjekjet për një zgjidhje mes minatorëve të Bulqizës dhe kompanisë austriake ACR e cila ka në koncesion minierën.
Minatorët janë mbledhur sërish përpara ambjenteve të zyrave ku sërish ka patur prani të forcave të policisë. Përfaqësuesi i kompanisë austriake është takuar me një grup minatorësh duke kërkuar që një përfaqësi e tyre të ulet në bisedime, por duke kundërshtuar praninë e kreut të sindikatës Kol Nikolli i cili sipas tij po manipulon një pjesë të minatorëve dhe po pengon pjesën më të madhe të tyre që dëshiron t’i rikthehet punës.
Përfaqësuesi i firmës austriake deklaroi se janë pranuar tre kërkesat për rritjen e pagës, përmirësimin e kushteve të punës dhe transparencë në realizimin e investimeve. Por minatorët, të cilët ndërprenë grevën e urisë fundjavën e shkuar, kanë kundërshtuar shmangien e përfaqësuesve të sindiaktës në bisedime. Sipas kreut të sindikatës Kol Nikolli firma “Acr” për kërkon të përcajë minatorët duke këmbëngulur se për zgjidhjen e situatës nevojitet një marrëveshje institucionale me kompaninë koncesionare