Lidhje

Tirana pa makina, nisma sfidon ndotjen e ajrit


Niveli i ndotjes në Tiranë i kapërcen ndjeshëm normat e Bashkimit Europian. Matjet e fundit tregojnë për një ndotje mbi 20 për qind më shumë se ajo e lejuar nga BE dhe një nivel i lartë i ndotjes së ajrit nga grimcat e pluhurit.

Ekspertët e Agjencisë së mjedisit pohojnë se në rritjen e nivelit të ndotjes në kryeqytet ndikon trafiku i automjeteve, ndërtimet dhe mënyrat e pastrimit të kryeqytetit.

Ndotja e lartë është shtysa kryesore e nismës Tirana pa makina, e cila bashkoi sot shumë të rinj në rrugët kryesore për ndërgjegjësimin e banorëve.

Shkatërrimi i lulishteve dhe mbushja e tyre me ndërtime të larta është sipas veprimtarëve të mjedisit shkaku kryesor që Tirana ka ajrin më të ndotur në Europë.

Ndotja në kryeqytet e ka futur Tiranën ndër zonat me rrezik të lartë në indeksin shëndetësor të cilësisë së ajrit. Sipas OBSH, rreth 500 vdekje të parakohshme ndodhin në vit vetëm nga ndotja e ajrit, jetëgjatësia është ulur afro dy vjet.

Shkatërrimi i industrive të diktaturës u zëvendësuan me mijëra të automjete të vjetra e të reja që ndotin mjedisin.

Burimi kryesor i ndotjes së ajrit është djegia jo e plotë e karburanteve në automjetet rrugore dhe pranë rrugëve është përqëndrimi më i madh i ndotjeve.

Krahas dioksideve të karbonit, azotit, squfurit, një lëndë tjetër ndotëse janë pluhurat e ngurta, të cilat sipas Organizatës Botërore të Shëndetësisë, janë ndotësit më të rrezikshëm urban për shëndetin e njeriut.

Ndotja ka ardhur si pasojë e shtimit të makinave dhe pakësimit të gjelbërimit urban, prerja e pyjeve.

Trego komentet

XS
SM
MD
LG