Në orët e para të ditës së sotme përfundoi procesi i numërimit të votave për bashkinë më të madhe në zonën veriore të Shqipërisë. Në Shkodër, fiton për herë të dytë kryebashkiaku i gjertanishëm, Lorenc Luka. Ndërkohë, demokratët kanë shënuar mbrëmë humbje në komunën e Bërdicës, në zonën e Nënshkodrës.
Pas përfundimit të numërimit të votave për Bashkinë e Shkodrës, tashmë është krijuar një tabllo e plotë e rezultateve për të gjitha bashkitë e katër qarqeve veriore të Shqipërisë. Atje vërehet një zgjerim i ndikimit të socialistëve dhe aleatëve të tyre, të cilat kanë arritur të fitojnë gjashtë bashki, mes të cilave edhe bashkinë e Laçit, të cilësuar deri tani si bastion i demokratëve.
Dëgjoni kronikën: