Ekspertë të pavarur për çështjet e integrimit besojnë se statusi i kandidatit për Shqipërinë në BE po mbyll kapitullin e kritikave shume-vjeçare për proceset zgjedhore dhe dëmtimin e demokracisë. Drejtuesi i Lëvizjes Europiane të Shqipërisë, Glejdis Gjipali, thotë se sfidat e reja janë lufta ndaj krimit, reforma në drejtësi, për të cilat do të këtë vëzhgim të afërt nga Europa. Në intervistën me korrespondentin tonë në Tiranë, Ilirian Agolli, zoti Gjipali thotë se Shqipëria duhet të përmirësojë kapacitetet përthithëse për fonde dhe projekte, të cilat mund t'i marrin vende më të përgatitura.
