Arsimi është jo vetëm çelësi i suksesit profesional në jetë, por edhe mënyra më e mirë për të përmirësuar situatën e gruas në shoqëri. Kjo sipas Etrita Ibroçit, një shqiptaro-amerikane nga Ulqini i Malit të Zi, e cila prej disa vitesh është një nga operatoret financiare kryesore në Nju Jork të firmës ndërkombëtare Kepler Cheuvreux. Ajo u intervistua nga gazetari i Zërit të Amerikës në Nju Jork, Julian Zyla.