Lidhje

Gjykata: BE të heqë Hamasin nga lista e grupeve terroriste


Një gjykatë evropiane mori vendimin që grupi militant palestinez Hamas duhet hequr nga lista e Bashkimit Evropian me grupet terroriste.

Gjykata e Përgjithshme e Bashkimit Evropian vendosi sot se BE-ja e përfshiu në mënyrë të papërshtatshme Hamasin mes grupeve terroriste, bazuar tek informacionet e marra nga mediat dhe Interneti.

Një masë e BE-së e vitit 2001, po ashtu shtoi 12 grupe të tjera dhe 29 individë në listë, por u shoqërua me sqarimin se ato mund të cilësoheshin terroristë bazuar në “akte të shqyrtuara dhe të konfirmuara në vendimet e autoriteteve kompetente”.

Vendimi i sotëm i BE-së është i hapur për apelim.

Gjykata tha se ngrirja e pasurive që shoqëroi vendosjen e Hamasit në listën e terrorizmit do të mbetet në fuqi për tre muaj, ose deri sa procesit të apelit t’i kalojë afati.

Gjykata po ashtu theksoi përmes një deklarate se vendimi i sotëm ishte procedurial dhe se ai “nuk përfshin ndonjë vlerësim të pavarur” lidhur me çështjen në se Hamasi kryen veprime që përcaktojnë një grup terrorist.

Trego komentet

XS
SM
MD
LG