Bashkimi Evropian ka reduktuar më tej parashikimet për rritje ekonomike, duke sinjalizuar se rimëkëmbja në vendet e BE mbetet e brishtë.
Eurozona me 18 vende anëtare pritet të rritet vetëm 0.8% këtë vit. Ky parashikim pasqyron rënie krahasuar me rritjen prej 1.2% që ishte njoftuar më parë.
Parashikimet për vitin 2015 po ashtu janë më të ulëta. Zyrtarët thanë se Franca dhe Italia mbeten vende problematike për rimëkëmbjen evropiane.
Zëvendës Presidenti i BE për Punësim dhe Rritje tha se situata e ekonomisë dhe tregut të punës nuk po përmirësohet aq shpejt sa duhet.