Përfaqësuesi i posaçëm i Bashkimit Evropian për Kosovën, Pieter Faith, tha sot se veprimet e EULEX-it kanë zmbrapsur korrupsionin në Kosovë, të cilin ai e ka radhitur si një nga pengesat për përparimin e vendit. Duke raportuar para Komisionit për Politikë të jashtme të Parlamentit të Evropës, Zoti Faith e ka cilësuar të paqëndrueshme situatën aktuale në veriun e Kosovës, ndërsa ka shfaqur shpresën se Prishtina dhe Beogradi do të hapin bisedimet për çështjet praktike të interesit të përbashkët, pas opinionit të Gjykatës Ndërkombëtare të Drejtësisë lidhur me pavarësinë e Kosovës.