Në Shqipëri, fermerët vazhdojnë të përballen me vështirësi, jo vetëm për kultivimin e prodhimeve të tyre bujqësore, por edhe për tregtimin e tyre. Ka raste kur ata detyrohen t'i hedhin prodhimet, për shkak të mungesës së tregut. Në kushte të tilla, vazhdon largimi i njerëzve nga fshati drejt emigracionit jashtë vendi, apo drejt qyteteve. Korrespondenti ynë, Pëllumb Sulo, ishte në një fermë familjare, në zonën e Anës së Malit, në Shkodër.
