Një nga tajfunët më të fortë goditi pjesën qendrore të Filipineve, duke lënë të shkatërruar qytete dhe fshatra të tërë dhe duke shkaktuar vdekjen e mbi 10 mijë vetëve.
Pasi goditi mbi gjashtë provinca, tajfuni Haiyan ndryshoi drejtim drejt veri-perëndimit në detin e Kinës së Jugut ku fuqia e tij u zbut duke u shndërruar në stuhi tropikale pranë kufirit me Vjetnamin dhe brigjet jugore të Kinës.
Stuhija goditi ishullin Leyte nga lindja të premten. Dje, kur u bë e qartë shkalla e shkatërrimeve, autoritetet filipinase thanë se numri i të vdekurve pritet të rritet. Presidenti Benigno Aquino deklaroi gjendjen e jashtëzakonshme në rajon.
Ofertat për ndihma kanë filluar të vijnë nga vende të tjera, përfshirë edhe Shtetet e Bashkuara. Dje përmes një deklarate, Presidenti Barak Obama shprehu keqardhjen e Amerikës dhe u zotua për “ndihma të konsiderueshme humanitare”. Njësi ushtarake amerikane u mobilizuan të shtunën për të kërkuar për të mbijetuar.
Sipas parashikimeve të motit, stuhija pritet të vazhdojë të zbutet sot ndërkohë që lëviz mbi Kinën e jugut.
Pasi goditi mbi gjashtë provinca, tajfuni Haiyan ndryshoi drejtim drejt veri-perëndimit në detin e Kinës së Jugut ku fuqia e tij u zbut duke u shndërruar në stuhi tropikale pranë kufirit me Vjetnamin dhe brigjet jugore të Kinës.
Stuhija goditi ishullin Leyte nga lindja të premten. Dje, kur u bë e qartë shkalla e shkatërrimeve, autoritetet filipinase thanë se numri i të vdekurve pritet të rritet. Presidenti Benigno Aquino deklaroi gjendjen e jashtëzakonshme në rajon.
Ofertat për ndihma kanë filluar të vijnë nga vende të tjera, përfshirë edhe Shtetet e Bashkuara. Dje përmes një deklarate, Presidenti Barak Obama shprehu keqardhjen e Amerikës dhe u zotua për “ndihma të konsiderueshme humanitare”. Njësi ushtarake amerikane u mobilizuan të shtunën për të kërkuar për të mbijetuar.
Sipas parashikimeve të motit, stuhija pritet të vazhdojë të zbutet sot ndërkohë që lëviz mbi Kinën e jugut.