Irani dhe 6 fuqitë e mëdha të botës janë po mbyllin ditën e parë të bisedimeve direkte mbi programin bërthamor të Teheranit.
Sot Irani dhe pesë anëtarët e përhershëm të Këshillit të Sigurimit të OKB-së plus Gjermania kanë zhvilluar dy raunde bisedimesh në Stamboll.
Korrespondenti i Zërit të Amerikës në Turqi, Bijan Farhood tha se Irani gjithashtu ka zhvilluar takime dy palëshe me Kinën, Rusinë dhe Turqinë, por ata refuzuan një takim dy palësh me Shtetet e Bashkuara. Pavarësisht nga ky veprim, ai shtoi se disa fuqi perëndimore besojnë se Irani ka treguar më shumë vullnet për të diskutuar çështjet bërthamore se në bisedimet e vitit të kaluar.
Më herët, zëdhënësi i shefes së BE-së për politikën e jashtme Catherine Ashton kishte thënë se raundi i parë i bisedimeve midis Iranit dhe gjashtë fuqive botërore për programin e debatueshëm bërthamor të Teheranit ishte “konstruktiv”, duke hedhur themelet për bisedimet e ardhshme.
Michael Mann tha sot se fuqitë botërore besojnë se Irani ka treguar angazhim në bisedime pasi dy palët përfunduan seancën e tyre të parë në Stamboll.