Lidhje

Fillimi i takimit të Bashkimit Evropian në Bruksel pritet me protesta


Fillimi i takimit të Bashkimit Evropian në Bruksel pritet me protesta

Fillimi i takimit të Bashkimit Evropian në Bruksel pritet me protesta

Mijëra demonstrues janë përleshur me policinë në Bruksel, ku janë mbledhur krerët e Bashkimit Evropian për të diskutuar tema të nxehta si përballimi i situatës së borxheve që kanë pllakosur disa nga qeveritë e kontinetit.

Forcat policore belge përdorën gazin lotsjellës dhe pompat e ujit ndaj një grupi protestuesish me rreth 20 mijë persona. Protestuesit, të cilët u mblodhën pas thirrjeve të sindikatave për demonstrata, kanë kundërshtuar planet e udhëheqësve evropianë për të rritur moshën e pensionit dhe për të pakësuar shpenzimet për programet sociale në vendet e Bashkimit Europian. Policia tha se dhjetra demonstrues u përpoqën që të kalojnë barrierat e vendosur nga forcat e rendit dhe hodhën gurë në drejtim të tyre, duke plagosur 12 oficerë policie.

Udhëheqësit e bllokut të 27 vendeve po përballen me shqetësimet në rritje rreth çështjes së borxhit. Analistët financiarë thonë se rrëzimi i qeverisë portugeze dje ka shtuar gjasat se Portugalia do të jetë vendi i tretë evropian, mbas Greqisë e Irlandës, që do të ketë nevojë për një ndihmë financiare ndërkombëtare.

Kryeministri socialit i Portugalisë, Jose Socrates, përmbushi premtimin e tij për dorëheqje, mbasi parlamenti hodhi poshtë propozimin e tij për një paketë masash shtrënguese që mund të eliminonin nevojën për ndihmë financiare ndërkombëtare.

Disa analistë financiarë evropianë thonë se edhe Spanja gjithashtu ka nevojë për një paketë ndihmash.

XS
SM
MD
LG