Lidhje

Forcat siriane vazhdojnë të bombardojnë Homsin


Forcat siriane vazhdojnë të bombardojnë Homsin
Forcat siriane vazhdojnë të bombardojnë Homsin

Aktivistët në Siri thonë se forcat qeveritare kanë vrarë 63 vetë dhe kanë plagosur mbi 200 të tjerë gjatë bombardimit të një distrikti nën kontrollin e forcave rebele në qytetin e Homsit, qendër e protestave, si dhe në fshatrat e provincës veriore të Idlibit.

Aktivistët thonë se mes viktimave në lagjen Baba Amr kishte të paktën dy fëmijë. Por numri i saktë i viktimave nuk mund të verifikohet në mënyrë të pavarur, për shkak të kufizimeve të mëdha që ka vendosur Siria ndaj mediave të huaja. Sulmi i sotëm ndodh një ditë pasi ushtria siriane vendosi tanke dhe përforcime të tjera përreth Homsit, në përgatitje për një sulm të mundshëm tokësor.

Forcat siriane janë duke e bombarduar Homsit që prej më tepër se dy javësh. Ky qytet ka qenë qendër e kryengritjes 11-mujore kundër regjimit autoktratik të presidentit sirian Bashar al Assad.

Kryqi i Kuq Ndërkombëtar i bëri sot thirrje autoriteteve siriane dhe forcave kryengritëse të zbatojnë pa humbur kohë ndalimin e përditshëm të luftimeve për dy orë në ditë, me qëllim që kjo organizatë të mund të dërgojë ndihmat e emergjencës dhe të evakuojë të sëmurët dhe të plagosurit.

XS
SM
MD
LG