Forcat siriane të sigurimit hapën zjarr ndaj protestuesve anti-qeveritarë, ndërsa aktivistët bënë sot thirrje për “mbrojtje ndërkombëtare”.
Aktivistët thonë se të paktën një person u vra pas ndërhyrjes me armë dhe gaz lotsjellës nga ana e forcave të sigurimit, për ndalimin e protestave të zhvilluara në disa zona, përfshi periferitë e Damaskut dhe qytetin e Homsit.
Ndërkohë, presidenti rus Dmitry Medvedev tha se Moska mund të mbështesë rezolutën e Këshillit të Sigurimit të OKB-së, që i dërgon një “mesazh të fortë” presidentit sirian Bashar al-Assad, por vetëm nëse ajo i drejtohet edhe protestuesve anti-qeveritarë.
Ai i tha dje rrjetit televiziv Euronews se përdorimi i forcës nga qeveria dhe numri i lartë i viktimave janë të papranueshme.
Por ai shprehu gjithashtu shqetësim rreth veprimeve të protestuesve kundër Assadit, duke thëne se disa prej tyre duhet të konsiderohen si terroristë.