Lidhje

Formacioni i SHBA për Botërorin e Brazilit


Shtetet e Bashkuara bënë publike 23 emrat e ekipit kombëtar të futbollit për Kampionatin Botëror të Brazilit, por në një vendim të befasishëm, golashënuesi më i mirë u la jashtë.

Landon Donovan shpresonte të luante këtë vit për herë të katër në Kampionatin Botëror, por trajneri Jurgen Klinsmann vendosi që të mos ta përfshinte sulmuesin 32 vjeçar së bashku me gjashtë lojtarë të tjerë.

Klinsmann e quajti vendimin që nga më të vështirët e karrierës së tij si trajner. Ai tha se ai mendonte se disa lojtarë të tjerë ishin “pak më të përgatitur” sesa Donovan.

andon Donovan konsiderohet si figura më e njohur e futbollit në Shtetet e Bashkuara, gjatë dhjetë viteve të fundit. Ai ka shënuar 57 gola në 156 ndeshje ndërkombëtare. Ai ka sjellë disa nga momentet më të mëdha në historinë e futbollit të Shteteve të Bashkuara, përfshirë lojën në çerekfinalen e Botërorit të vitit 2002 në Korenë e Jugut. Në një deklaratë në faqen e tij të Facebook-ut, Donovan shprehu zhgënjimin që nuk ishte përfshirë në skuadrën e Botërorit për këtë vit, por theksoi se vazhdon të jetë i përkushtuar “për forcimin e futbollit në Shtetet e Bashkuara, në vitet në vazhdim”.
XS
SM
MD
LG