Lidhje

Rusi, hapet takimi i G-20s


Takimi dy-ditor i G-20s në Shën Peterburg do të përqëndrohet edhe te vendet e punës dhe rritja ekonomike globale

Presidenti Barak Obama premtoi të përfundojë brenda këtij viti një marrëveshje të re tregtie mes Shteteve të Bashkuara dhe vendeve të Paqësorit, edhe pse mbeten pengesa në krijimin e një pakti mes 12 shteteve anëtare.

Udhëheqësi amerikan u takua të enjten me kryeministrin japonez Shinzo Abe në takimin e G20-s në Shën Peterburg, Rusi.

Ndërkohë që pjesa dërmuese e lajmeve kryesore nga takimi flasin mbi përpjeket e Uashingtonit për të fituar përkrahje për veprime ushtarake ndaj Sirisë, udhëheqësit në takim po ashtu po disktutojnë rreth shqetësimeve ekonomike.

Zoti Obama tha gjatë takimit me zotin Abe se partneriteti i Trans-Paqësorit do të hapë tregjet në rajonin që po zhvillohet me shpejtësi. Kjo do të jetë marrëveshja më e madhe tregtare në historinë e Shteteve të Bashkuara.

Takimi dy-ditor i G-20s në Shën Peterburg pritet të përqëndrohet edhe te vendet e punës dhe rritja ekonomike globale, për të ndihmuar ekonomitë të rezistojnë ndërkohë që Shtetet e Bashkuara rrisin normat e interesit. Forcimi i politikave monetare amerikane kërcënon të çojë në rënien e tregjeve të aksioneve dhe në dobësimin e ekonomive të vendeve si Brazili, India, Indonezia, Turqia dhe Afrika e Jugut.

Udhëheqësit e disa prej këtyre vendeve duan që Shtetet e Bashkuara të bashkërendojnë me vendet e tjera kur të rishikojnë politikat financiare.

Një tjetër çështje në tryezë është rregullimi i institucioneve financiare jo-bankare që operojnë në tregjet monetare.

Ndërkohë, disa aktivistë kanë vënë në shënjestër Rusinë, të cilën e kritikojnë për ligjin mbi homoseksualët si dhe për çështjen e mosmarrëveshjes me Shtetet e Bashkuara lidhur me birësimin e fëmijëve rusë nga amerikanët.

Trego komentet

XS
SM
MD
LG