Në Shqipëri dy kandidatët në garën për kreun e Partisë demokratike Sokol Olldashi dhe Lulzim Basha nisën sot fushatën në radhët e anëtarësisë. Zoti Olldashi pati takime në Mallakastër ndërsa zoti Basha pritet ta nisë nga Elbasani. Pas dorëheqjes së zotit Berisha, figura qëndrore e kësaj partie që nga themelimi I saj, për herë të parë demokratët do të zgjidhin drejtuesin e ri me votën e tyre direkte.
Brenda pak më shumë se dy javëve demokratët do të kenë në krye për herë të parë një tjetër emër. Për të zënë vendin e zotit Sali Berisha, njeriut që shenjoi historinë e kësaj partie por dhe skenën politike të vendit, zgjedhja është mes dy figurave të reja në moshë dhe që janë ngjitur në nivele të larta partiake dhe qeveritare.
Ministri aktual i Transporteve Sokol Olldashi nisi sot fushatën nga Ballshi, zonë të cilën ai ka qenë i ngarkuar të mbulonte gjatë disa zgjedhjeve. Kryetari aktual i Bashkisë së Tiranës Lulzim Basha, ka zgjedhur të shkojë në mbrëmje në Elbasan, qytet ku ai u zgjodh deputet në vitin 2009. Që të dy morrën vendimin për të kandiduar pasi u konsultuan më parë me zotin Berisha. Zoti Olldashi për të marë garancitë e një gare të hapur, për shkak ndoshta dhe të faktit se askush nuk kishte dyshimin më të vogël se rivali i tij do të ishte, zoti Basha, i cili mbart me vete imazhin e një figure që ka patur gjerësisht mbështetjen e hapur të kryetarit të dorëhequr. Vetë zoti Berisha deklaroi disa herë se ai do të mbante një qëndrim asnjanës në garën për pasuesin e tij, duke kërkuar këtë edhe nga anëtarët e kryesisë.
Megjithatë starti mes dy kandidatëve ka qenë i ndryshëm. Zoti Olldashi shpalli kandidaturën e tij përmes një deklarate të shkurtër ku bëri publik synimin për përgatitjen e partisë për një rikthim të shpejtë në pushtet. Të njejtin synim shpalli dhe zoti Basha, por përmes një fjalimi të gjatë të strukturuar në formën e një miniplatforme ku binin në sy vlerësimet maksimale ndaj zotit Berisha, të përsëritura disa herë. Për më tepër, në ndryshim nga rivali i tij i cili njoftoi përfshirjen në garë në sallën e konferencave të shtypit të partisë, zoti Basha e lexoi fjalimin e tij nga foltorja ku pak ditë më parë zoti Berisha kishte shpallur dorëheqjen.
Të ndryshme edhe CV-të e të dy kandidatëve të publikuara sot në faqen zyrtare të Partisë demokratike. Ajo e zotit Olldashi është një CV klasike që përmban thjesht datat dhe funksionet e mbuluara prej tij. Ndërkohë që CV-ja e zotit Basha i ngjan më tepër një jetëshkrimi të detajuar që nis që nga rezultatet e tij të shkëlqyera në shkollën tetëvjecare deri të funksionet ekzekutive ku thuajse cdo sukses i qeverive të kryeministrit Berisha lidhet me emrin e tij.
Ndërsa janë thirrur për të zgjedhur drejtuesin e tyre të ri, demokratët do të duhet të presin për të bërë analizën e humbjes së thellë të zgjedhjeve të 23 qershorit. Humbje e cila nuk kurseu asnjë nga figurat drejtuese, as edhe vetë zotin Basha i cili mori përsipër drejtimin e fushatës në Tiranë, ku ashtu si dhe në qytetet e tjera, demokratët pësuan një goditje mjaft të fortë. Të qenurit prej dy vjetësh kryebashkiak i kryeqytetit nuk e ndihmoi, madje rrezikon të jetë edhe një disavantazh në garën aktuale. Së pari sepse nëse zgjidhet, opozita do të jetë në parlament pa kryetarin e saj, së dyti sepse ai kishte premtuar ta mbante kryeqytetin larg betejave politike, ndërsa po shkel në fakt në gjurmët e zotit Rama, aq shumë i kritikuar vite më parë nga demokratët për mbajtjen njëkohësisht të dy funksioneve, atë të kryebashkiakut dhe të kryetarit socialist.
Brenda pak më shumë se dy javëve demokratët do të kenë në krye për herë të parë një tjetër emër. Për të zënë vendin e zotit Sali Berisha, njeriut që shenjoi historinë e kësaj partie por dhe skenën politike të vendit, zgjedhja është mes dy figurave të reja në moshë dhe që janë ngjitur në nivele të larta partiake dhe qeveritare.
Ministri aktual i Transporteve Sokol Olldashi nisi sot fushatën nga Ballshi, zonë të cilën ai ka qenë i ngarkuar të mbulonte gjatë disa zgjedhjeve. Kryetari aktual i Bashkisë së Tiranës Lulzim Basha, ka zgjedhur të shkojë në mbrëmje në Elbasan, qytet ku ai u zgjodh deputet në vitin 2009. Që të dy morrën vendimin për të kandiduar pasi u konsultuan më parë me zotin Berisha. Zoti Olldashi për të marë garancitë e një gare të hapur, për shkak ndoshta dhe të faktit se askush nuk kishte dyshimin më të vogël se rivali i tij do të ishte, zoti Basha, i cili mbart me vete imazhin e një figure që ka patur gjerësisht mbështetjen e hapur të kryetarit të dorëhequr. Vetë zoti Berisha deklaroi disa herë se ai do të mbante një qëndrim asnjanës në garën për pasuesin e tij, duke kërkuar këtë edhe nga anëtarët e kryesisë.
Megjithatë starti mes dy kandidatëve ka qenë i ndryshëm. Zoti Olldashi shpalli kandidaturën e tij përmes një deklarate të shkurtër ku bëri publik synimin për përgatitjen e partisë për një rikthim të shpejtë në pushtet. Të njejtin synim shpalli dhe zoti Basha, por përmes një fjalimi të gjatë të strukturuar në formën e një miniplatforme ku binin në sy vlerësimet maksimale ndaj zotit Berisha, të përsëritura disa herë. Për më tepër, në ndryshim nga rivali i tij i cili njoftoi përfshirjen në garë në sallën e konferencave të shtypit të partisë, zoti Basha e lexoi fjalimin e tij nga foltorja ku pak ditë më parë zoti Berisha kishte shpallur dorëheqjen.
Të ndryshme edhe CV-të e të dy kandidatëve të publikuara sot në faqen zyrtare të Partisë demokratike. Ajo e zotit Olldashi është një CV klasike që përmban thjesht datat dhe funksionet e mbuluara prej tij. Ndërkohë që CV-ja e zotit Basha i ngjan më tepër një jetëshkrimi të detajuar që nis që nga rezultatet e tij të shkëlqyera në shkollën tetëvjecare deri të funksionet ekzekutive ku thuajse cdo sukses i qeverive të kryeministrit Berisha lidhet me emrin e tij.
Ndërsa janë thirrur për të zgjedhur drejtuesin e tyre të ri, demokratët do të duhet të presin për të bërë analizën e humbjes së thellë të zgjedhjeve të 23 qershorit. Humbje e cila nuk kurseu asnjë nga figurat drejtuese, as edhe vetë zotin Basha i cili mori përsipër drejtimin e fushatës në Tiranë, ku ashtu si dhe në qytetet e tjera, demokratët pësuan një goditje mjaft të fortë. Të qenurit prej dy vjetësh kryebashkiak i kryeqytetit nuk e ndihmoi, madje rrezikon të jetë edhe një disavantazh në garën aktuale. Së pari sepse nëse zgjidhet, opozita do të jetë në parlament pa kryetarin e saj, së dyti sepse ai kishte premtuar ta mbante kryeqytetin larg betejave politike, ndërsa po shkel në fakt në gjurmët e zotit Rama, aq shumë i kritikuar vite më parë nga demokratët për mbajtjen njëkohësisht të dy funksioneve, atë të kryebashkiakut dhe të kryetarit socialist.