Lidhje

Gazetarja legjendare Helen Thomas del në pension pas debateve mbi komentet e saj mbi Izraelin

  • Dan Robinson

Gazetarja legjendare Helen Thomas del në pension pas debateve mbi komentet e saj mbi Izraelin

Gazetarja legjendare Helen Thomas del në pension pas debateve mbi komentet e saj mbi Izraelin

Helen Thomas ka mbuluar Shtepinë e Bardhë që nga fillimi i viteve 60-të. Dalja e saj në pension vjen pas disa ditë kritikash rreth komenteve të saj javën e kaluar.

Gazetarja Helen Thomas i bëri komentet për gazetarin Rabbi David Nesenoff, nderkohë që Shtepia e Bardhë festonte muajin hebreo-amerikan të trashgimisë të organizuar nga presidenti Barak Obama.

I pyetur nga gazetari Nesenoff për një koment të përgjithshëm rreth Izraelit, zonja Thomas tha se Izraeli duhet të largohet nga Palestina, të cilën e quajti një tokë të pushtuar. Ajo gjithashtu tha se izraelitët duhet të kthehen në Gjermani, Poloni, Shtetet e Bashkuara apo gjetkë.

Videoja me komentet e zonjës Thomas e publikuar në internet, u përhap më shepjtësi në mbarë botën dhe po ashtu u shfaq edhe në televizion.

Në konferencën e ditës së henë për shtypin në Shtepinë e Bardhë, zonja Thomas, e cila konsiderohej si dekane e shtypit të akredituar pranë Shtepisë së Bardhë, mungonte nga rrjeshti i parë ku ajo ulet zakonisht.

Zëdhenësi i Shtepisë së Bardhë Robert Gibbs reagoi keshtu kur një gazetar e pyeti lidhur me theniet e zonjës Thomas.

Citimet ishin ofenduese dhe të dënueshme. Ajo duhet dhe ka kerkuar falje. Natyrisht keto deklerata nuk pasqyrojnë opinionin besoj të shumicës së njerëzve ketu dhe sigurisht jo të administratës.

Gazetat Hearst, të cilat publikojnë shkrimin e përjavshëm të zonjës Thomas, njoftuan se gazetarja e cila mbush 90 vjeç në gusht, do të dalë në pension menjëherë.

Përmes një deklerate në faqen e saj në internet, zonja Thomas thotë se ndien keqardhje të madhe për komentet e saj dhe se ato nuk pasqyrojnë atë të cilën ajo e quajti “ besimin që ndiente në zemër se paqja do të vijë në Lindjen e Mesme vetëm kur të gjitha palët e kuptojnë nevojën për respekt të ndërsjellë dhe tolerancë”.

Shoqata e Gazetarëve të Shtepisë së Bardhë i quajti komentet e zonjës Thomas të pafalshme, duke thënë se ishin “veçanërisht për të ardhur keq për rolin e saj si pionere e shtypit të akredituar në Shtepinë e Bardhë.

Mes grave të para që mbulonte ngjarjet e Shtepisë së Bardhë, gjatë administratës së presidentit John F. Kennedy, zonja Thomas kishte të vetmen karrige me një pllakë të vogël metalike që mbante emrine saj në konferencën e shtypit të Shtepisë së Bardhë.

Debati rreth citimeve të zonjës Thomas vjen nderkohë që ndaj administratës së presidentit Obama janë ngritur shumë pikëpyetje lidhur me qendrimin ndaj bllokadës izraelite kundër Gazës dhe kritikës së thellë të bastisjes izraelite në anijen me ndihma që la 9 njerëz të vdekur.

XS
SM
MD
LG