Lidhje

Gejts vazhdon vizitën në Afganistan

  • Zëri Amerikës

Gejts vazhdon vizitën në Afganistan

Gejts vazhdon vizitën në Afganistan

Sekretari amerikan i Mbrojtjes, Robert Gates paralajmëroi për luftime të ashpra ndaj kryengritësve në Afganistan. Sekretari Gates tha se avancimet e kohëve të fundit nga forcat lokale e ato të koalicionit janë "delikate dhe të kthyeshme".

Zoti Gates i bëri këto komente sot gjatë një vizite në qendër të Afganistanit jugor, ku u takua me fshatarë, policë lokalë dhe trupa amerikane në provincat e Kandaharit dhe Helmandit.

Sekretari i Mbrojtjes tha se ishte inkurajuar nga përparimi i bërë në luftë, por shtoi se lufta kundër militantëve gjatë pranverës dhe verës do të jetë e vështirë.

Meqë një prani e fortë nevojitet në jug të vendit, sekretari Gates tha se nuk ka të ngjarrë që forcat afgane të marrin përsipër sigurinë atje në muajin korrik, siç është planifikuar. Zoti Gates tha se tërheqja e trupave amerikane nga pjesë të tjera të Afganistanit do të bëhet në bazë të kushteve në teren.

Ndërkohë, Presidenti afgan Hamid Karzai paralajmëroi për një vit të vështirë, ndërsa forcat ndërkombëtare fillojnë kalimin e përgjegjësive të sigurimit tek forcat afgane.

Në një fjalim me rastin e Ditës ndërkombëtre të gruas, presidenti Karzai përsëriti gjithashtu thirrjen për t’u dhënë fund viktimave mes civilëve, duke i quajtur ato të papranueshme. Zoti Karzai përsëriti kritikat ndaj firmave private të sigurimit, duke thënë se ato përbëjnë një kërcënim për qeverinë afgane.

XS
SM
MD
LG