Kosova nuk ka një industri funksionale, por ato pak kapacitete prodhuese që funksionojnë janë shndërruar në ndotësit kryesor të mjedisit. Ekspertët thonë se kur kësaj i shtohet edhe trashëgimia e së kaluarës, atëherë nevoja për mbrojtjen e mjedisit bëhet edhe më e madhe. Autoritetet janë vënë në përpjekje për të krijuar një infrastrukturë të qëndrueshme ligjore por edhe për të marrë masa për parandalimin e ndotjes. Korrespondenti ynë, në Prishtinë Leonat Shehu ishte në zonën ku ndodhen termocentralet e Kosovës.