Shkodra është qyteti ku, rreth gjysmës së shekullit të 19, lindi fotografia e parë shqiptare. Që nga ajo kohë, breza të tërë fotografësh të shquar, kanë krijuar traditën e fotografisë shqiptare. Mes këtyre fotografëve është edhe Gjon Marku, i cili, pasionin për fotografinë e ka shoqëruar edhe me atë të koleksionimit të aparateve fotografikë, të cilët siç thotë ai, janë dëshmi e vetë historisë së fotografisë shqiptare.