Gjykata e Shkodrës kërkon shpalljen si antikushtetuese të dispozitave për ndryshimin e kombësisë

Gjykata e Shkodrës i është bashkuar sot asaj të Sarandës për shpalljen si antikushtetuese, të dispozitave për ndryshimin e kombësisë. Nënkryetari i Këshillit të Lartë të Drejtësisë, Kreshnik Spahiu, deklaroi sot në një takim me intelektualë, studentë dhe gjyqtarë të Shkodrës se, rregjistrimi i popullsisë mbi baza etnike e fetare bie ndesh me parimet kushtetuese dhe standartet e BE. Pas kërkesave për ndryshimin e shtetesise në jug të vendit, edhe gjykata e Shkodrës po ndeshet me kërkesa për marrjen e kombësisë nga pakica malazeze, e cila, përmes shoqatës së saj Moraça-Rozafa, ka kërkuar të rregjistrohet me kombësi serbo-malazeze.