Lidhje

Grupi i piraterisë së kompjuterave Anonimët do të vazhdojë sulmet në internet

  • Zëri Amerikës

Grupi i piraterisë së kompjuterave Anonimët, që fajësohet për një numër sulmesh virtuale në Kinë javën e kaluar, thotë se do të vazhdojë të vërë në shënjestër faqe qeveritare interneti në shenjë proteste ndaj censurimit të internetit dhe shkeljes së të drejtave të njeriut.

Anonimët e Kinës pretendojnë se kanë hyrë në qindra faqe qeveritare dhe tregëtare këtë muaj dhe javën e kaluar pati disa njoftime për ndryshimin e faqeve të internetit në vend.

Mes atyre faqeve, që sot dukeshin se funksionin në rregull, ishte edhe faqja kryesore e distriktit të biznesit Chengdu.

Agjencia Reuters citon një pjesëtar të grupit Anonimët të thotë se dega e Anonimëve në Kinë përbëhet nga 10-12 vetë, shumica jashtë Kinës. Ai shton se grupi ka qindra përkthyes që punojnë për të hyrë piratisht në faqet e internetit të Kinës.

XS
SM
MD
LG