Kryetari i Aleancës për Ardhmërinë e Kosovës, Ramush Haradinaj tha sot në Prishtinë se pjesa e shoqërisë e mbetur jashtë përfaqësimit në koalicionin qeverisës, duhet të punojë për të ndryshuar gjendjen në vend. Duke e kritikuar qeverinë e re të koalicionit ndërmjet Partisë Demokratike dhe Lidhjes Demokratike, ai tha se Aleanca për Ardhmërinë e Kosovës mund të ndihmojë ndryshimin por duke filluar ndryshimet nga vetvetja.