Hetuesit rus po kërkojnë dënim më të ashpër për një çift amerikan të shpallur fajtor për vdekjen e djalit të tyre shtatë vjeçar të adoptuar nga Rusia.
Një gjykatë në shtetin amerikan të Pensilvanisë dënoi Michael dhe Nanette Craver të premten me 19 muaj burg që tashmë e kanë kryer.
Ministria e jashtme ruse e kritikoi sot vendimin si të papërgjegjshëm, ndërsa komisioni federal rus i hetimeve tha se do të kërkojë një arrest ndërkombëtar për çiftin dhe do të punojë për të provuar se vrasja ishte e qëllimshme.
Çifti Cravers u akuzua për vrasje të paqëllimshme në Shtetet e Bashkuara pasi djali i tyre i adoptuar vdiq nga një dëmtim në tru në një spital në vitin 2009.
Prokurorët e akuzuan çiftin për rrahje dhe abuzim të fëmijës, pasi mjekët që thanë në trupin e tij u gjetën shenja të zeza dhe të çara. Por familja argumentoi se djali kishte sindromën e fetusit të alkolizuar dhe probleme të tjera që e bënë të plagosej vetë.