Qeveria hungareze ka marrë nën kontroll kompaninë e aluminit Mal Ltd, kompleksi kimik i së cilës shpërtheu javën e kaluar në Hungarinë perëndimore, duke shkaktuar një përmbytje mbetjesh toksike që shkatërroi dy qytete, shkaktoi vdekjen e tetë vetëve dhe dëmtoi faunën e lumit Markal.
Shefi i katastrofave kombëtare Giorgi Bakondi u emërua i dërguari i qeverisë, që ka nën kontroll kompleksin.
Policia hungareze ka arrestuar drejtorin e kompanisë, Zoltan Bakonyi. Kryeministri Viktor Orban i tha parlamentit se katastrofa ekologjike e 4 tetorit ishte rezultat i neglixhencës.
Ekspertë të Bashkimit Evropian që shkuan në Hungari për të analizuar gjendjen pas derdhjes toksike nuk janë të sigurt nëse zonat e prekura mund të pastrohen plotësisht.