Intervistë me Zef Brozin, ish Kryetar i Gjykatës së Kasacionit - sot Gjykata e Lartë

Ngjarjet e 21 janarit kanë vënë përballë njera tjetërës dy forcat më të mëdha politike në Shqipëri. Njera palë akuzon tjetrën për përpjekje për marrje pushteti me dhunë. Pala tjetër e mohon akuzën dhe kundërpërgjigjet se shteti vrau katër protestues të pafajshëm. Kjo situatë e tensionuar politike, e cila nxiti edhe ndërhyrjen e zyrtarëve të lartë amerikanë si dhe të atyre të Bashkimit Evropianë për të qetësuar gjendjen, po vë në provë sistemin e drejtësisë në Shqipëri. Gjithë vëmendja është përqëndruar tek Prokuroria e Përgjithshme, e cila po ndihmohet në hetime nga specialistë amerikanë. Për të diskutuar më tej mbi gjendjen e sistemit të drejtësisë në Shqipëri, ne zhvilluam një intervistë me ish krytarin e Gjykatës së Kasacionit, sot Gjykata e Lartë, në vitet ’90 z. Zef Brozi.