Lidhje

Shteti Islamik publikon një video të re kundër Iranit


Grupi Shteti Islamik ka publikuar një video, ku kërcënon Iranin dhe premton se së shpejti ka për ta pushtuar atë.

Videoja 36-minutëshe në persisht, i drejtohet pakicës suni të Iranit dhe e akuzon Teheranin se i persekuton ata. Por analistët thonë se synimi i videos mund të jetë një përpjekje e dëshpëruar për të treguar se ISIS është dobësuar më tepër se kurrë, që nga koha e deklarimit të kalifatit në qershor të vitit 2014, mbetet një forcë e fuqishme.

Irani është angazhuar intensivisht në përpjekjet e Irakut dhe Sirisë për çrrënjosjen e Shtetit Islamik nga territori i vet, duke e furnizuar milicinë shiite me fonde dhe pajisje të ndryshme.

Që nga viti 2012, Irani ka qenë një aleat i rëndësishëm i regjimit sirian në Damask, duke i mbështetur trupat siriane në luftën e tyre me grupet rebele në mbarë vendin. Sipas njoftimeve, disa herë, forcat iraniane kanë luftuar me ISIS-in në Siri.

Në video, disa persona që flasin persisht, me një theks të rëndë të krahinës së Baluçistanit. Ata thonë se që nga koha e Revolucionit Islamik të vitit 1979, janë ekzekutuar më tepër se 18 mijë iranianë suni.

Njëri nga folësit në video u bën thirrje sunive “t’u bashkohen grupit për të mbrojtur dinjitetin e tyre dhe për të rifituar krenarinë që u është marrë nga autoritet shiite të Iranit.” Por një numër anketash tregojnë se pakicat suni kanë treguar pak interes për t’iu bashkuar ISIS-it.

Facebook Forum

XS
SM
MD
LG