Ligjvënësit izraelitë kanë rënë dakord të zhvillojnë zgjedhje të reja më 17 mars pasi kryeministri Benjamin Netanyahu tha se do të shpërndajë parlamentin sa më shpejt që të jetë e mundur.
Zyrtarët e partisë vendosën sot datën e zgjedhjeve, një ditë pasi zoti Netanyahu shkarkoi dy ministra të rëndësishëm dhe bëri thirrje për zgjedhje të parakohshme.
Anketat e opinionit tregojnë se partia e zotit Netanyahu ka të ngjarë të mbetet në pushtet, duke e lejuar atë të mbajë postin.
Ai tha dje se kërkon një mandat të pastër për të zbatuar politikat e tij dhe se nuk do të tolerojë më një opozitë brenda qeverisë.