Lidhje

Izraeli, i zemëruar nga shkatërrimi i banesave

  • Zëri Amerikës

Kryeministri izraelit Benjamin Netanjahu tha sot se vendi i tij nuk do ta zgjasë afatin e ngadalësimit 10 mujor të ndërtimit të vendbanimeve në Bregun Perëndimor që pritet të përfundojë në fund të shtatorit.

Njoftimi bëhet ndërsa dhjetra kolonë izraelitë të zemëruar nga shkatërrimi i banesave u përleshën me palestinezët në fshatin Burin të Bregut Perëndimor. 10 vetë u lënduan nga dhuna kur dy palët goditën njëri-tjetrin me gurë.

Ndërkohë, agjencia e lajmeve Associated Press njoftoi se presidentit palestinez Mahmud Abas i është thënë se duhet të përgatitet për bisedime të shpejta të drejtpërdrejta me Izraelin nëse do ndihmën e Presidentit Barak Obama për ngritjen e një shteti palestinez.

Sipas një dokumenti të brendshëm palestinez të cilin e ka siguruar Associated Press, i dërguari amerikan Xhorxh Miçëll e përcolli këtë mesazh këtë muaj.

XS
SM
MD
LG