Sot në Jeruzalemin Lindor u shkatërrua një hotel dhe ndërtesa të tjera, për të lejuar ndërtimin banesave të reja izraelite.
Ky projekt për ndërtimin e 21 apartamenteve të reja i ka zemëruar udhëheqësit palestinezë, të cilët thonë se bisedimet e drejtpërdrejta të paqes me Izraelin do të vazhdojnë vetëm me kushtin që të ndalojë ndërtimi në Jeruzalemin Lindor, në kuadrin e pezullimit të ndërtimit të vendbanimeve hebraike.
SHBA i kanë kërkuar Izraelit siguri se do ta kufizojnë ndërtimin e vendbanimeve në rajon. Palestinezët duan që Jeruzalemi Lindor të bëhet kryeqyteti i shtetit të tyre të ardhshëm, ndërsa Izraeli e konsideron të gjithë Jeruzalemin kryeqytetin e vet të përhershëm dhe të pandashëm.
Izraeli mori kontrollin e Jeruzalemit Lindor në vitin 1967, pas një lufte 6-ditëshe, një veprim që nuk u njoh asnjëherë nga bashkësia ndërkombëtare.