Komisioneri për Zgjerim i Bashkimit Evropian Johannes Hahn, është për vizitë në Maqedoni. Ai u bëri thirrje autoriteteve dhe partive politike që të realizojnë reformat ligjore brenda afateve të caktuara, para zgjedhjeve të prillit të vitit të ardhshëm.
Komisioneri Hahn të shtunën do të vizitojë kampin e pranimit të refugjatëve nga Lindja e Mesme, në Gjevgjeli, afër kufirit me Greqinë. Komisioni Europian do të caktojë një fond prej disa milonësh për Maqedoninë, për t’u përballur me krizën e refugjatëve.
