Lidhje

Këshilli i imuniteteve mblidhet për rastin e Ilir Metës

  • Zëri Amerikës

Këshilli i imuniteteve mblidhet për rastin e Ilir Metës

Këshilli i imuniteteve mblidhet për rastin e Ilir Metës

Në Shqipëri sot Këshilli i Rregullores dhe imuniteteve i parlamentit, u mblodh pas kërkesës së Prokuorisë për heqjen e imunitetit ndaj ish zëvendëskryeministrit Ilir Meta lidhur me videon e bisedës së bërë mes tij tij dhe ish ministrit Dritan Prifti.

Keshilli degjoi zotin Meta i cili përsëriti edhe një herë se kërkon që vendimi për heqjen e imunitetit të merret sa më shpejt, pasi sipas tij Prokuroria po e zvarrit këtë cështje. Zoti Meta tha se Prokuroria, me ekspertizën e videos nuk i ka dhënë përgjigje cështjes kryesore, vërtetësisë së përmbajtjes së bisedës.

Në relacionin e Prokurorisë thuhet se eksperti nuk ka patur mundësi të pastrojë sekuencat audio. Zoti Meta i dorëzoi këshillit një tjetër ekspertizë të realizuar sipas tij në Itali nga njëri prej ekspertëve më të njohur, i cili sic tha zoti Meta ka konstatuar ndërpreje dhe ndërhyrje në materialin e transmetuar. Sipas zotit Meta është konfirmuar manipulimi i materialit.

Këshilli pritet t’ia kalojë me shpejtësi seancës vendimin për heqjen e imunitetit të zotit Meta, ndërkohë që nesër do të dëgjojë edhe ish ministrin Dritan Prifti, për të cilën prokuroria gjithashtu ka kërkuar heqjen e imunitetit pasi ka gjetur në materialet e dorëzuara prej atij vetë, një tjetër video në të cilin ai bashkë me ish zëvendësministrin Leonard Beqiri flasin për përfitime financiare dhe ndajnë mes tyre 70 mijë euro.

Të ngjashme

XS
SM
MD
LG