Kancelarja gjermane Angela Merkel thotë se njerëzit në Ukrainë po jetojnë në diktaturë dhe represion ashtu si ata në Bjellorusinë fqinje.
Komentet e zonjës Merkel, të bëra sot në parlament, vijnë ndërsa Gjermania vazhdon t’i bëjë presion Presidentit Viktor Janukoviç të sigurojë që drejtuesja e burgosur e opozitës dhe ish-kryeministrja Yulia Tymoshenko të marrë trajtimin e duhur mjekësor.
Gjermania ka mbajtur qëndrimin më kritik të Evropës për rastin e saj.
Zonja Timoshenko përfundoi grevën e saj gati tre javore të urisë të mërkurën pasi u zhvendos nga burgu në një spital lokal për trajtimin nga dhimbjet kronike të shpinës.
Presidenti Yanukovych po përballet me kritika në rritje në lidhje me dënimin e saj dhe refuzimin e qeverisë së tij për të lejuar zonjën Timoshenko të shkojë për trajtim në Gjermani.
Zonja Tymoshenko është duke vuajtur një dënim me shtatë vjet burg pasi u shpall fajëtore për shpërdorim të detyrës në një marrëveshje të vitit 2009 të gazit me Rusinë. Ajo i mohon akuzat. Vendet perëndimore thonë se ato ishin të motivuara politikisht.