MITT ROMNEY
Emigracioni: Do të ndërtojë një gardh përgjatë kufirit jugor të vendit me Meksikën dhe do të ndëshkojë firmat që punësojnë njerëz pa dokumente.
Kina: Do të vendosë tarifa për mallrat kineze dhe ta shpallë Kinën si vend që manipulon monedhën.
Lindja e Mesme: Do ta bëjë Jeruzalemin ndalesën e tij të parë jashtë vendit si president për të treguar angazhimin e SHBA ndaj Izraelit. Thotë se ndryshimi i regjimit është i nevojshëm në Iran.
Afganistani: Thotë se do të sigurojë që nivelet e trupave janë të mjaftueshme për të siguruar suksesin e plotë të misionit amerikan atje. Trupat duhet të qëndrojnë derisa komandantët amerikanë të thonë se puna është bërë.
RICK SANTORUM
Emigracioni: Mbështet ndërtimin e gardheve shtesë përgjatë kufirit amerikano-meksikan. Kundër programeve të punëtorëve të përkohshëm.
Kina: Thotë se SHBA ka një detyrim moral për të mposhtur socializmin e Kinës dhe mbajtjen e një qëndrimi më të ashpër ushtarak ndaj Kinës në Detin e Kinës Jugore.
Lindja e Mesme: Kërkon sanksione më të ashpra ndaj Iranit dhe më shumë mbështetje ndaj forcave iraniane pro-demokracisë.
Afganistani: Mendon se trupat duhet të tërhiqen më ngadalë nga sa ka parashikuar presidenti Obama.
RON PAUL
Emigracioni: Kërkon rritjen e sigurisë kufitare; është kundër amnistisë për imigrantët e paligjshëm. Kundërshton verifikimin elektronik për të kontrolluar statusin e imigrantëve.
Kina: Thotë se Kina është më kapitaliste se SHBA dhe marrëdhëniet e të dy vendeve janë në rrugën e duhur.
Lindja e Mesme: Kërkon të eliminojë të gjitha ndihmat e jashtme amerikane, duke përfshirë edhe ato për Izraelin. Është kundër një procesi të paqes mes Izraelit dhe palestinezëve të udhëhequr nga SHBA. Kundërshton sanksionet ndaj Iranit.
Afganistani: Ka thënë se do të sjellë trupat në atdhe nga shumica e misioneve të huaja sa më shpejt të jetë e mundur.
NEWT GINGRICH
Emigracioni: Kërkon të dërgojë avionë pa pilotë dhe të dislokojë mijëra punonjës të sigurisë kombëtare në kufijtë e Amerikës.
Kina: Ka mbështetur tregëtinë me Kinën, por paralajmëron për pasoja nga fakti që Kina ka financuar një pjesë të madhe të borxhit amerikan.
Lindja e Mesme: Mbështet zëvendësimin e regjimit në Iran. Thotë se programi bërthamor i Iranit është një simptomë e problemeve më të mëdha.
Afganistani: Kundër një tërheqje e papritur nga Afganistani.
