Kandidatët republikanë për president konkurojnë sot në dy votime paraprake në Michigan dhe Arizona. Mit Romni po përpiqet të shmangë humbjen në shtetin e tij të lindjes, Miçigan, ku më parë ai udhëhiqte ndjeshëm anketat dhe ku i ati ka qenë guvernator me shumë popullaritet.
Zoti Romni, ish-guvernator i Massachusetsit, po has në vështirësi që të sigurojë mbështetjen e elementëve konservatorë brenda partisë, të cilët mbështesin rivalin e tij, ish-guvernatorin e shtetit të Pensilvanisë, Rik Santorium.
Gara e sotme të Michigan dhe Arizona mbahet një javë para së “Martës së Madhe” të shumëpritur, kur 10 shtete amerikane votojnë për kandidatin e preferuar. Republikanët po zgjedhin një kandidat për t’u përballur me presidentin demokrat Barak Obama në zgjedhjet e nentorit.
Anketat në Arizona tregojë se zoti Romney, ka një avantazh të madh ndaj Rik Santorumit, ndërkohë që ligjvënësi nga Teksasi Ron Paul dhe ish kryetari i Dhomës së Përfaqësuesve Newt Gingrich ndodhen pas tyre.