Lidhje

Kandidatët republikanë përqendrohen në zgjedhjet paraprake të Karolinës së Jugut

  • Uiliam Aide

Kandidatët republikanë përqendrohen në zgjedhjet paraprake të Karolinës së Jugut

Kandidatët republikanë përqendrohen në zgjedhjet paraprake të Karolinës së Jugut

Ndërsa Mitt Romney arriti një fitore të madhe në New Hampshire, në garën e republikanëve për zgjedhjet presidenciale të 2012s mbeten gjashtë kandidatë. Të gjithë ata po përgatiten për ndalesën tjetër të garës në Karolinën e Jugut. Korrespondenti i Zërit të Amerikës William Ide na sjell hollësi.

Mitt Romney fitoi 40% të votave në New Hampshire, duke dalë kështu në krye të garës. Në fjalimin e fitores, ai u përqendrua tek gara në Karolinën e Jugut dhe tek Presidenti Barak Obama që do të jetë më në fund rivali i tij kryesor.

"Sonte, ne i kërkojnë popullit të mirë të Karolinës së Jugut të bashkohet me qytetarët e New Hampshire-it për ta bërë 2012, vitin e largimit të Presidentit Obama nga posti”.

Kongresisti Ron Paul, i cili doli i dyti në New Hampshire, mbeti optimist, po ashtu edhe Jon Huntsman, ish guvernator i shtetit Utah dhe ish ambasador i Shteteve të Bashkuara në Kinë.

"Do të thosha, zonja dhe zotërinj, se vendi i tretë është inkurajues për të vazhduar garën”.

Rick Santorum, i cili humbi ndaj Romney-t vetëm me 8 vota në Iowa, e paraqiti veten si kandidati më i përshtatshëm i bazës republikane.

"Zonja dhe Zotërinj, ne kemi një mundësi në këtë garë. Ne kemi mundësinë të jemi konservatorët e vërtetë”.

Por analistët politikë thonë se rivalët republikanë të Romney do ta tregojnë në Karolinën e Jugut më 21 janar nëse do të jenë në gjendje t’i sfidojnë seriozisht pozitat e tij të forta.

"Kandidatët Rick Santorum dhe Jon Huntsman e përqendruan gjithë vemendjen e tyre në zgjedhjet paraprake në Iowa dhe New Hampshire, por nuk i kushtun kohë dhe para garës në Karolinën e Jugut. Tani të gjithë, përveç Romney-it do të përpiqen të fitojnë sa më shumë në Karolinën e Jugut”.

Edhe para votimeve në New Hampshire, kandidatët zhvillonin takime me votuesit në Karolinën e Jugut, duke u përpjekur t’i hapnin rrugë fitores së tyre.

Mitt Romney ka marrë mbështetjen e kadidatit republikan për president në 2008, John McCain, i cili fitoi në zgjedhjet paraprake të Karolinës së Jugut atë vit. Ai ka marrë edhe mbështetjen e guvernatores së shtetit, Nikki Haley.

Analistët thonë se nëse konservatorët që nuk e duan Romney-in fillojnë të grumbullohen rreth një kandidati të caktuar, Romney ka të ngjarë të përfundojë rivali i Presidentit Barak Obama në zgjedhjet e përgjithëshme.

XS
SM
MD
LG