Në Ohër u mbajt Konferenca e ministrave të mbrojtjes të vendeve anëtare të Kartës së Adriatikut.
Takimi "Bashkë drejt paqes dhe sigurisë globale", mblodhi së bashku zyrtarë të rajonit në rolin e vëzhguesve, zyrtarë të Natos dhe diplomatë të huaj për të nxitur dialogun rajonal, për të diskutuar mbi proceset e integrimit euroatlantik të këtyre vendeve, si dhe mbi sfidat rreth angazhimit për paqen globale.
Ministrat dhe zyrtarët e lartë të ministrive të mbrojtjes kanë nënvizuar rëndësinë e integrimit të vendeve të Ballkanit në Bashkimin Evropian, si një kusht për qëndrueshmërinë e Ballkanit dhe të gjithë Evropës.
Serbia nuk dërgoi përfaqësues të saj në këtë takim, për shkak të pjesëmarrjes së Kosovës në të. Ministri i Forcës së Sigurisë së Kosovës Agim Çeku e vlerësoi takimin, ku Kosova pati rastin të shpalosë politikat e mbrojtjes dhe sigurisë, si dhe gatishmërinë për të kontribuar në ndërtimin e paqes dhe qëndrueshnërisë në rajon e më gjerë. Përfaqësuesit e vendeve të A5-ës diskutuan gjithashtu për mundësinë e zgjerimit të këtij grupi dhe theksuan gatishmërinë për të vazhduar kontributin në misionin ISAF në Afganistan.
Takimi "Bashkë drejt paqes dhe sigurisë globale", mblodhi së bashku zyrtarë të rajonit në rolin e vëzhguesve, zyrtarë të Natos dhe diplomatë të huaj për të nxitur dialogun rajonal, për të diskutuar mbi proceset e integrimit euroatlantik të këtyre vendeve, si dhe mbi sfidat rreth angazhimit për paqen globale.
Ministrat dhe zyrtarët e lartë të ministrive të mbrojtjes kanë nënvizuar rëndësinë e integrimit të vendeve të Ballkanit në Bashkimin Evropian, si një kusht për qëndrueshmërinë e Ballkanit dhe të gjithë Evropës.
Serbia nuk dërgoi përfaqësues të saj në këtë takim, për shkak të pjesëmarrjes së Kosovës në të. Ministri i Forcës së Sigurisë së Kosovës Agim Çeku e vlerësoi takimin, ku Kosova pati rastin të shpalosë politikat e mbrojtjes dhe sigurisë, si dhe gatishmërinë për të kontribuar në ndërtimin e paqes dhe qëndrueshnërisë në rajon e më gjerë. Përfaqësuesit e vendeve të A5-ës diskutuan gjithashtu për mundësinë e zgjerimit të këtij grupi dhe theksuan gatishmërinë për të vazhduar kontributin në misionin ISAF në Afganistan.