Lidhje

Sekretari Kerry fillon vitin e ri në Lindjen e Mesme


Sekretari amerikan i Shtetit John Kerry do ta fillojë vitin e ri në Lindjen e Mesme, me një tjetër përpjekje për të çuar përpara procesin e paqes mes Izraelit dhe palestinezëve.

Vizita e zotit Kerry vjen ndërkohë që Izraeli përgatitet për lirimin e një tjetër grupi të burgosurish palestinezë, të cilin e quan një gjest të vullnetit të mirë.

Dhjetra izraelitë protestuan dje kundër lirimit të palestinezë jashtë shtëpisë së kryeministrit Benjamin Netanyahu.

Lirimi i të burgosurve është pjesë e procesit të një përpjekjeje për të ecur drejt një marrëveshjeje, ku Izraeli dhe një shtet palestinez të ekzistojnë në paqe krahas njëri-tjetrit.

Një zëdhënëse e Departamentit amerikan të Shtetit tha se zoti Kerry do të niset nga Uashingtoni më 1 janar për të takuar zotin Netanyahu në Jeruzalem. Më pas ai do të shkojë në Ramallah të Bregut Perëndimor për t'u takuar me presidentin palestinez Mahmoud Abbas.

Trego komentet

XS
SM
MD
LG