Operacionet e shpëtimit në Kinën qëndrore nxorën dhjetra trupa pa jetë nga anija e përmbysur në lumin Yangtze, ndërsa po shuhen shpresat për të gjetur të mbijetuar të tjerë.
Vetëm 14 njerëz u shpëtuan kur anija u përmbys në motin e keq të hënën në mbrëmje. Agjencia Xinhua tha sot se 39 trupa të tjerë u gjetën pasi punonjësit e ekipeve të shpëtimit arritën të hyjnë në anijen e përmbysur. Numri i viktimave të konfirmuara ka arritur në 65. Gati 400 pasagjerë, shumica të moshuar vazhdojnë të jenë të zhdukur.