Lidhje

Komisioni Evropian, thirrje për publikimin e rezultatit të zgjedhjeve

  • Zëri Amerikës
  • Uashington

Komisioni Evropian, thirrje për publikimin e rezultatit të zgjedhjeve

Komisioni Evropian, thirrje për publikimin e rezultatit të zgjedhjeve

Komisioni Evropian i bëri thirrje Komisionit Qendror të Zgjedhjeve në Shqipëri të shpallë pa vonesë rezultatet e zgjedhjeve vendore të 8 majit.

Thirrja e bërë të premten erdhi pasi protestat e disa ditëve në Tiranë u përhapën në mbarë vendin për shkak të vendimit të komisionit qendror për të rinumëruar votat në një pjesë të kutive.

Demonstruesit e opozitës u përleshën me policinë përpara godinës së komisionit zgjedhor dje ku po kryhet rinumërimi. Protestuesit u përpoqën të kalonin përtej kordonit të policisë pranë godinës. Komisioni zgjedhor thotë se rinumërimi është i nevojshëm pasi disa vota janë kontestuar.

Tensionet politike bënë që presidenti i Komisionit Evropian Zhose Manuel Barroso të anulonte vizitën e planifikuar për të premten në Tiranë. Zëdhënësja e Komisionit Evropian Natasha Butler mohoi thëniet se anulimi flet për një zbutje të angazhimit të komisionit ndaj Shqipërisë. Ajo tha se komisioni po vëzhgon nga afër situatën.

XS
SM
MD
LG