Lidhje

Kongresi amerikan kthehet këtë javë në punë

  • Zëri Amerikës

Kongresi amerikan kthehet këtë javë në punë

Kongresi amerikan kthehet këtë javë në punë

Kongresi amerikan kthehet në punë këtë javë pas një muaji pushim, duke u përballur me vendime të rëndësishme për çështje që lidhen me ekonominë.

Ligjvënësit u larguan nga Uashingtoni pas një debati të nxehtë lidhur me rritjen e tavanit prej 14 presje 3 trilionë dollarësh të borxhit, i cili më në fund u miratua.

Tani ata përballen me pyetje të ngjashme delikate mbi mënyrën e shkurtimit të shpenzimeve qeveritare dhe në të njëjtën kohë të nxitjes së krijimit të vendeve të punës. Papunësia në Shtetet e Bashkuara mbeti e pandryshuar në bazë të një raporti të publikuar të premten nga Departamenti i Punës.

Presidenti Barak Obama, do të paraqesë planin e tij për shtimin e vendeve të punës në një sesion të përbashkët të kongresit të enjten. Ai ka të ngjarë të bëjë thirrje për shkurtimin e taksave për punëdhënësit që marrin në punë punonjës të tjerë, shtimin e shpenzimeve për të ndihmuar riparimin e shkollave dhe rrugëve dhe zgjatjen e ndihmës financiare për të papunët.

Por republikanët e opozitës thanë se kundërshtojnë shpenzime të tjera qeveritare dhe insistojnë në eliminimin e rregullave qeveritare që ata thonë se dëmtojnë shtimin e vendeve të punës.

XS
SM
MD
LG